中文 (香港)  English (US) 
性玩具系列

性玩具系列

 
 

1️⃣ 質料大不同

除咗常見嘅矽膠之外,性玩具其實仲有其他唔同嘅質料,例如金屬、水晶、玻璃等等。而每種質料都有佢嘅特性,想知道邊種質料適合自己就要留意之後嘅post啦!

2️⃣ 功能知多少

今時今日,性玩具嘅功能已經好多元化,務求滿足唔同人嘅需要。今次就揀咗比較常見嘅4種功能同大家分享—震動及按摩、衝擊(抽插)、吸啜/抽真空、伴侶共享。同安全套一樣,梗有一款岩你~

3️⃣ 潤滑劑配撘

相信大家睇完「安全性行為」同埋「潤滑劑介紹」兩個系列之後都對潤滑劑唔陌生啦,喺用性玩具嘅過程中,潤滑劑同樣係一個必備嘅好幫手。依個post就會同大家講解下唔同質料嘅性玩具要配撘咩類型嘅潤滑劑,亦都會講下可以提升快感潤滑劑架💦💦

4️⃣ 初次購買需知

第一次買性玩具又怕尷尬唔知去邊買好?點樣選購有品質保證嘅性玩具?原來買性玩具同買野食一樣,都要選擇有信譽嘅店鋪,亦都要留意產地來源,如果唔係分分鐘會影響人身安全同健康,想做個精明消費者嘅你就記住唔好錯過依個post啦!

5️⃣ 清潔及保養

性玩具會接觸到我地嘅性器官,所以當然要好好清潔同保養,以防感染細菌啦🦠~ 可能你會即刻諗到:用火酒消毒應該實無壞啦掛?我當初都係咁諗,但原來矽膠嘅性玩具係唔可以用酒精消毒架! 因為酒精會侵蝕矽膠,令到性玩具嘅表層有好多微細嘅窿窿,啲細菌就會積藏咗喺入面😱。所以依個post就會同大家講解下點樣清潔同保養性玩具,咁就可以用得安心又放心啦~

好多人對用性玩具都會有誤解或者偏見,特別係一段關係之中,其中一方使用性玩具嘅話就會令人覺得係代表感情變淡咗或者係質疑另一方嘅性能力,覺得滿足唔到佢。以致即使用都只會偷偷地咁用😣,但其實性玩具係任何人喺任何情況同關係之下都可以使用嘅物品!單身時可以自己用,享受性歡愉之餘亦可以了解多啲自己嘅身體。有伴侶時可以一齊用,為性行為增添變化同樂趣,但亦可以自己用,享受自慰嘅樂趣🤟🏻!

重要嘅事要講三次,所以大家記住留意嚟緊嘅posts啦! 大家如果對於性玩具有其他疑問都歡迎喺下面留言,收集得多問題嘅話我哋可能會額外開一個性玩具迷思系列架🤓~

TEXT: ANA

———————————————

糖不甩|性教育|網上性健康平台💛
對性/性別/關係...有疑問?想搵人傾下?
糖不甩討論區隨時ready答你問題!識揀,一定揀糖不甩!
Discuss.stickyricelove.com

#stickypedia #stickyricelove #糖不甩 #stickypediasextoys #stickypedia性玩具 #sextoys #性玩具 #自慰棒 #自慰器
#五大寶品 #缺一不可#sexeducationhk #性 #性教育 #gender #relationships #sex #sexpleasure #性歡愉 #hksex #hklove #hkboys #hkgirl

原文刊於糖不甩網誌,本網站經糖不甩授權轉載。